Filandón edita las "Llogas Carbayesas"

Ir abajo

Filandón edita las "Llogas Carbayesas"

Unvio  Llibertariu el Xue Xin 28, 2010 5:02 pm

La editorial estorgana Llibros Filandón acaba de publicar un ñuevu volume de la colección La Ponte de Santa Catalina, dedicada a la poesía: las Llogas carbayesas de Juan Andrés Oria de Rueda. Esti ye'l primer llibru de poesía del outor y tamién ye la primera obra en llengua asturllionesa publicada por un zamoranu.

"Las faceras onde ñacía’l centenu feciónense adiles, y los llouxaos y
teyaos de las casas de piedra esmangallónense sin romediu. Con eillos
foi morriendo una cultura y tamién la llengua que-le dieu voz a lo
llargo de siegros. Cumo si nunca fora, cumo si naire nunca prenunciara
las sues palabras, tal parecía que nun diba pasar siquiera a
l’alcordanza, sinón al olvidu más ñegru.

Pero, en contra de todu
prognósticu, hóubolu que nun quiso aceptar sin más esta perda. Juan
Andrés Oria de Rueda Salgueiro escomenzóu hai unos años a publicar las
sues Llogas carbayesas na revista El Llumbreiru, de l’Asociación
Cultural Zamorana “Furmientu”. Pa tódolos que queremos que siga vivu
l’asturllionés, las poesías de Juan Andrés fonen una sorpresa
ilusionante, una raza de lluz abriéndose caminu entre ñubres escuras.
Eillí estaban las nuesas cousas: los nuesos puebros y xentes, las
prantas y los animales, los trabayos y los dies de los buelos, dichos
con las palabras de siempre. Por primera vez, un fiyu de la tierra
usaba la llengua propia pa componer y publicar versos que-le volvían la
vida y la dignidá, a eilla y a los que la falonen y siguen a falala.

Porque la creación lliteraria, polo que tien de trabayu llingüísticu y
estéticu con el idioma, y polo que tien de productu artísticu que
s’oufrez a los miembros d’una comunidá, percíbese cumo síntoma de
vitalidá etnollingüística. Y, outramiente, supón una llamada a las
concencias –propias y folasteras– de qu’hai una llengua qu’existe y una
voluntá que se resiste a deixala morrere" (De la presentación de Llogas carbayesas)

avatar
Llibertariu

Númberu d'unvíos : 79
Fecha de inscripción : 23/01/2010

Ver perfil d'usuariu

Tornar arriba Ir abajo

Tornar arriba


 
Permisos de este foro:
Nun pue responder a temes n'esti foru